E-TAQRIZ.UZ — elektron taqriz tizimi

Nashrlar sonining ko'payishi bilan bir qatorda ilmiy ishlar sifati, ularning akademik talablarga muvofiqligi va xalqaro standartlarga yaqinlashuvi masalalari dolzarb ahamiyat kasb etmoqda. Shu bois ilmiy maqola, tezis, monografiya va boshqa turdagi ilmiy natijalarni nashrga tayyorlash jarayonida ishning ilmiy saviyasini xolis baholash, tahririy-ekspert jarayonlarini samarali tashkil etish, taqrizlash (peer review) institutini mustahkamlash hamda akademik halollik tamoyillariga qat'iy rioya etilishini ta'minlash muhim vazifaga aylandi.

E-TAQRIZ.UZ ilmiy nashrlar ekotizimini tizimlashtirish, ilmiy natijalarning sifatini oshirish, tahririyatlar va tadqiqotchilar uchun qulay raqamli yechimlarni joriy etish hamda ilmiy faoliyatda shaffoflikni ta'minlashga xizmat qiladi.