Har bir loyihaga alohida mehr beramiz
Har bir loyiha uchun batafsil sahifa mavjud
Raqamli Idora Tizimi
Zamonaviy tashkilot uchun barcha ichki jarayonlarni — xodimlar davomat nazoratidan tortib hujjat aylanishi va transport monitoringgacha — yagona raqamli muhitda boshqarish imkonini beruvchi kompleks platforma. Asosiy modullar: 1) Xodimlar davomat tizimi Xodimlarning ish vaqtiga kelishi va ketishi real vaqt rejimida qayd etiladi. Avtomatik hisobotlar, kechikishlar va ishdan tashqari vaqt tahlili — barchasi bitta tizimda. 2) Ichki hujjat aylanishi (EDO) Ariza, buyruq, yo‘riqnoma va boshqa ichki hujjatlar qog‘ozsiz, to‘liq raqamli formatda qabul qilinadi, ko‘rib chiqiladi va imzolanadi. Hujjatning har bir bosqichi tizimda saqlanadi. 3) Transport (mashina) kirish-chiqish nazorati Tashkilot hududiga kiruvchi va chiquvchi transport vositalarining harakati avtomatik qayd etiladi. Ruxsatnomalar, vaqt va marshrut tarixi to‘liq nazorat ostida. 4) Boshqaruv paneli (Dashboard) Rahbariyat uchun real vaqtda tashkilot ichki faoliyati bo‘yicha to‘liq analitika va hisobotlar. Xodimlar davomat nazorati, ichki hujjat aylanishi (EDO) va transport kirish-chiqish monitoringini yagona raqamli muhitda birlashtirgan kompleks boshqaruv tizimi. Hozirda 20+ davlat va xususiy sektor tashkilotlari tizimdan muvaffaqiyatli foydalanib kelmoqda.
SLIB.UZ — Scientific Library of Uzbekistan
"Scientific Library" loyihasining asosiy maqsadi – Oʻzbekiston Respublikasidagi ilmiy jurnallarni yagona raqamli platformada jamlash, maqolalarning toʻliq va barqaror elektron arxivini shakllantirish hamda tadqiqotchilar va olimlar uchun ishonchli milliy axborot bazasini yaratishdan iborat. Loyiha doirasida jurnallar oʻrtasida milliy reyting (baholash) tizimini joriy etish, taqrizlash (peer review) institutini tizimli ravishda rivojlantirish, milliy plagiatni aniqlash mexanizmini yoʻlga qoʻyish hamda ilmiy nashrlar faoliyatida ochiqlik va hisobdorlikni kuchaytirish koʻzda tutiladi. Shuningdek, loyihada ilmiy jurnallar uchun SRM tizimi joriy etilgan boʻlib, jurnallarning butun tahririyat-nashriyot jarayonlari – maqola qabul qilish, retsenziyalash, tahrirlash, nashrga tayyorlash, metamaʼlumotlarni shakllantirish va arxivlash – toʻliq raqamlashtirilgan holda boshqariladi. Natijada tahririyatlar, olimlar va tadqiqotchilar oʻrtasida shaffof, adolatli va sogʻlom raqobat muhitini qaror toptirish, ilmiy natijalarning sifati va ishonchliligini oshirishga xizmat qiladi.
E-TAQRIZ.UZ — elektron taqriz tizimi
Bugungi kunda mamlakatimizda ilmiy nashriyotchilik (noshirlik) faoliyati jadal surʼatlarda rivojlanib bormoqda. Mazkur jarayonda xususiy sektorning keng jalb etilishi, ilmiy jurnallar va nashriy platformalar sonining ortishi, shuningdek, oliy taʼlim hamda ilmiy-tadqiqot muassasalari tomonidan professor-oʻqituvchilar va tadqiqotchilardan ilmiy natijalarni muntazam ravishda nashr etishga qoʻyilayotgan talablar ilmiy mahsulotlar hajmini sezilarli darajada oshirmoqda. Biroq nashrlar sonining koʻpayishi bilan bir qatorda, ilmiy ishlar sifati, ularning akademik talablarga muvofiqligi va xalqaro standartlarga yaqinlashuvi masalalari ham dolzarb ahamiyat kasb etmoqda. Shu bois ilmiy maqola, tezis, monografiya va boshqa turdagi ilmiy natijalarni nashrga tayyorlash va eʼlon qilish jarayonida ishning ilmiy saviyasini xolis baholash, tahririy-ekspert jarayonlarini samarali tashkil etish, taqrizlash (peer review) institutini mustahkamlash hamda akademik halollik tamoyillariga qatʼiy rioya etilishini taʼminlash muhim vazifaga aylandi. Shu bilan birga, olimning ilmiy va pedagogik faoliyati davomida erishgan natijalarini jamoatchilikka taqdim etishda shaffof, tizimli va ishonchli baholash mexanizmlarining mavjudligi katta ahamiyatga ega. Chunki ilmiy natijaning haqiqiy qiymati uning faqat nashr etilgani bilan emas, balki mazmunan yangi boʻlishi, dalillarga asoslanganligi, sohaga qoʻshayotgan hissasi, iqtiboslanish koʻrsatkichlari, hamda akademik etika talablariga mosligi bilan belgilanadi. Shu nuqtai nazardan, ilmiy nashrlar sohasida: ilmiy ishlarning nashrga yaroqliligini mezonlar asosida baholash, tahrir va taqrizlash jarayonlarida sifat nazoratini taʼminlash, plagiat va manba koʻrsatish madaniyati boʻyicha akademik halollik standartlarini tatbiq etish, jurnallar, mualliflar va taqrizchilar faoliyatini shaffof reyting tizimi orqali ragʻbatlantirish kabi vazifalar zamonaviy ilmiy infratuzilmaning ajralmas qismiga aylanmoqda. Biz ana shu ehtiyoj va talablardan kelib chiqqan holda, ilmiy nashrlar ekotizimini yanada tizimlashtirish, ilmiy natijalarning sifatini oshirish, tahririyatlar va tadqiqotchilar uchun qulay raqamli yechimlarni joriy etish hamda ilmiy faoliyatda shaffoflikni taʼminlashga qaratilgan tashabbuslarni ilgari surib kelmoqdamiz.
EROI.UZ — raqamli obyekt identifikatsiyasi
ROI – bu, raqamli obyekt identifikatori, axborot faoliyati obyektlarini belgilash uchun moʻljallangan ROI tizimining asosiy elementidir. ROI sizga nima beradi? Biz sizning raqamli obyektingizni ishonchli va arzon narxlarda cheklanmagan muddatga serverlarimizda saqlaymiz va jurnal yoki material eʼlon qilingan sayt yopilsa ham sizning materialingiz internet tarmogʻidan oʻchmaydi. Raqamli obyektingizga berilgan unikal raqamlar yordamida unga berilgan havolalar orqali muallifning h indeksini toʻgʻri hisoblanishini kafolatlaymiz. Raqamli obyekt identifikatori (ROI) ilmiy jurnalingizni reyting koʻrsatkichlarini yuqori aniqlikda hisoblanishida muhim ahamiyatga ega tizim hisoblanadi. Nashriyotlar oʻzlarining saytlarini ROI tizimga integratsiya qilish orqali bir amal bilan raqamli obyektga identifikator olishlari mumkin boʻladi. ROI nomini (identifikatori, raqami) nashr yoki uning qismi (kitob, kitobning bobi, maqola) yoki element (rasm, jadval, formula va boshqalar), audio va video tarkib, maʼlumotlar toʻplamlari kabi obyektlarga berish mumkin (misol: dissertatsiya, avtoreferat, monografiya, maqola, anjuman maqolasi, tezis, loyiha hisoboti, darslik va boshqalar). Maʼlumotlar bazalari maʼlumotlari, moddiy narsalar, tashkilotlar va boshqa obyektlarga ham berilishi mumkin. ROI nomidan foydalangan holda tizim internetdagi obyektning doimiy joylashgan joyiga yoki u haqidagi maʼlumotlarga (meta-maʼlumotlarga) havola (URL) beradi.
